Ambasada e SHBA në Tiranë: Nga 2 Shtatori procedurat për vizat do ndryshojnë

Ambasada e SHBA-ve në Shqipëri ka njoftuar përmes rrjeteve sociale se duke filluar nga data 2 shtator 2025, do të hyjnë në fuqi rregullore të reja për procesin e aplikimit për viza.

Sipas këtij njoftimi, vetëm aplikantët për vizat e kategorisë B1/B2, të cilat janë ende të vlefshme ose që kanë skaduar jo më shumë se një vit më parë, do të kenë mundësinë të përfundojnë procesin e rinovimit përmes postës.

Për të gjitha kategoritë e tjera të vizave, me përjashtim të disa rasteve të veçanta që lidhen me udhëtime zyrtare qeveritare, do të jetë e nevojshme të zhvillohet një intervistë.

Ambasada i këshillon të gjithë aplikuesit të vizitojnë faqet zyrtare për informacion të detajuar mbi kriteret, procedurat e aplikimit dhe funksionimin e shërbimeve konsullore.

Ky përditësim ka për qëllim të menaxhojë më mirë volumin e aplikimeve dhe të sigurojë që të gjitha proceset të jenë në përputhje me standardet e reja të përcaktuara nga Departamenti Amerikan i Shtetit.

LEXONI GJITHASHTU: 

• Zjarret në Shqipëri/ Ambasada e SHBA paralajmëron qytetarët e saj: Tregoni kujdes
• Ambasada e SHBA apel qytetarëve të vet: Kujdes nga zjarret, kërkoni ndihmën tonë