Ambasadori austriak: Në aspekt teknik, negociatat mund të hapen në çdo moment

Ambasadori austriak në Tiranë, Christian Steiner deklaroi për Euronews Albania se negociatat me Shqipërinë dhe Maqedoninë e Veriut mund të nisin shumë shpejt.

“Në fillim të vitit të shkuar, Bullgaria, në një mënyrë deri diku të papritur, vendosi të bllokojë hapjen e negociatave të BE me Maqedoninë e Veriut, por unë sigurisht kam shpresë se ne do të mund të nisim negociatat me të dyja shtetet, sa më shpejt”, tha ambasadori.

Z. Steiner shtoi se në aspektin teknik, negociatat mund të hapen në çdo moment.

“Diçka që do të shtoja është se nga aspekti teknik, unë mendoj se ne mund të nisim negociatat në çdo ditë apo moment, sepse ato kanë të bëjnë me implementimin apo miratimin e legjislacionit shqiptar si dhe përshtatjes së tij ndaj legjislacionit të përbashkët ‘aqui communautaire’  të BE-së. Ky është një proces teknik, i cili mund të nisë që nesër apo në këtë moment”, përfundoi ai.

LEXONI GJITHASHTU:

• ‘Asnjë përmirësim në fushën e medias’, ambasadori austriak: S’duhet të ndërhyjë qeveria apo biznesi
• “Mësova shqip për dy vjet”, ambasadori austriak: Shijoj mikpritjen shqiptare dhe ushqimin