Ambasadori i SHBA-së në Kosovë takon Kurtin, në fokus të takimit situata në Veri

Ambasadori i Shteteve të Bashkuara të Amerikës, Jeff Hovenier, ka zhvilluar ditën e sotme një bisedë me kryeministrin Albin Kurti.

Pas takimit ai ka dalë në një deklaratë për mediat ku kanë thënë se me Kurtin folën për situatën e krijuar në Veri ku dhe ka ripërsëritur qëndrimin dhe kërkesat e SHBA-së të cilat janë shprehur edhe nga Sekretari Amerikan, Antony Blinken.

Sipas tij është urgjente të merren hapa për de-eskalim të situatës.

“I kam përsëritur qëndrimin amerikan për atë çfarë duhet të ndodhë, e që është se ne nuk shohim nevojë që në këtë kohë tre kryetarët të ushtrojnë detyrën e nga ato objekte dhe nuk besojmë që do të jetë kontribuese që policia e kosovës të jetë në objekte”, ka thënë Hovenier.

LEXONI GJITHASHTU: 

• Svelça publikon videon e dhunimit të shqiptarëve: Shikoni ç’bën milicia fashiste
• Operacioni antikanabis “Alpet e pastra”, policia: U asgjësuan 1030 bimë narkotike