“Amerika e Para”, DASH: Financimet e USAID-it s’përputhen me interesat e SHBA-ve

Sekretari i Shtetit Marco Rubio i tha Kongresit se ai po kryen një rishikim të aktiviteteve të ndihmës së huaj të Agjencisë së SHBA për Zhvillim Ndërkombëtar (USAID).

Në një deklaratë të lëshuar Departamenti Amerikan i Shtetit thuhet se rishikimi do të ketë “një sy drejt riorganizimit të mundshëm” në mënyrë që të “sigurojë se është në përputhje me një axhendë Amerika e parë”.

“Agjencia e Shteteve të Bashkuara për Zhvillim Ndërkombëtar (USAID) është larguar prej kohësh nga misioni i saj fillestar për të avancuar me përgjegjësi interesat amerikane jashtë vendit dhe tani është plotësisht e qartë se pjesë të konsiderueshme të financimit të USAID-it nuk janë në përputhje me interesat thelbësore kombëtare të Shteteve të Bashkuara.

Si një hap i përkohshëm drejt fitimit të kontrollit dhe kuptimit më të mirë mbi aktivitetin e agjencisë, Presidenti Donald J. Trump emëroi Sekretarin Marco Rubio si administrator në detyrë.

Sekretari Rubio gjithashtu ka njoftuar tani Kongresin se një rishikim i aktiviteteve të ndihmës së huaj të USAID-it është duke u zhvilluar me synimin drejt riorganizimit të mundshëm.

Ndërsa vlerësojmë USAID-in dhe sigurojmë se është në përputhje me një agjendë Amerika e Parë dhe përpjekjet e Departamentit të Shtetit, ne do të vazhdojmë të mbrojmë interesat e popullit amerikan dhe të sigurojmë që dollarët e tyre të taksave të mos shpërdorohen”,-thuhet në deklaratën e DASH në platformën X.

LEXONI GJITHASHTU:

• Rubio merr udhëheqjen e USAID-it
• Roli i USAID-it dhe përse kërkohet mbyllja e kësaj agjencie?