Amorim thuajse “djall i kuq”, pritet të firmosë kontratë 3-vjeçare

Fitorja në kupë ndaj Leicester Cityt nuk do të thotë asgjë për trajnerin e përkohshëm Ruud Vanistelrooy, e ky i fundit nuk do të qëndrojë gjatë në stolin e Manchester United, për faktin se drejtuesit e kanë zgjedhur zëvendësuesin e Erik Ten Hag.

Ruben Amorim, është ai që do të drejtojë djajtë e kuq, me palët që kanë arritur akordin, ndërsa gjithçka do të konfirmohet në orët në vijim. Tekniku aktual i Sporting Lisbonës i ka bërë të ditur drejtuesve të ekipit portugez që dëshiron të largohet, e madje vetë skuadrat po ashtu kanë gjetur gjuhën e përbashkët.

Prej 4 vitesh amorim drejton Sportingun, por tani bëhet gati për një sfidë edhe më të vështirë, ku bëhet fjalë për një kontratë 3-vjecare, që e mban atë lidhur me ekipin e djajve deri në 2027-ën.

Muaj më parë, Amorim u diskutua dhe për rolin e trajnerit të Liverpool, por ardhja e Arne Slot anuloi gjithçka, e duket se ëndrra për të drejtuar një ekip të madh në Premier League tashmë është realitet, me 39-vjecarin që do të zbarkojë në ishull.

LEXONI GJITHASHTU:

• U arrestuan në protestën e opozitës, Gjykata e Elbasanit jep masat për 3 personat
• U arrestuan në protestën e opozitës, Gjykata e Elbasanit jep masat për 3 personat