AMP ekzekuton masat e sigurisë për 3 punonjës policie dhe 3 punonjës të IMT

Agjencia e Mbikëqyrjes Policore në rajonin e Fierit – Berat ka zbatuar urdhrin e Prokurorisë për ekzekutimin e vendimit të Gjykatës së Shkallës së Parë të Juridiksionit të Përgjithshëm Fier, duke caktuar masa sigurie për 6 punonjës të dy institucioneve të ndryshme.

Masat, që përfshijnë pezullimin e ushtrimit të detyrës dhe detyrimin për t’u paraqitur në policinë gjyqësore, janë vendosur ndaj tre punonjësve të policisë dhe tre punonjësve të Inspektoriatit të Mbrojtjes së Territorit (IMT).

Punonjësit e përfshirë janë:

• Y. K. – Ndihmës Specialist në Komisariatin e Policisë Fier

• I. B. – Ndihmës Specialist në Komisariatin e Policisë Fier

• D. K. – Ndihmës Specialist në Komisariatin e Policisë Fier

• A. X. – Kryeinspektor pranë Inspektoriatit të Mbrojtjes së Territorit, Bashkia Mallakastër

• SH. XH. – Inspektor pranë Inspektoriatit të Mbrojtjes së Territorit, Bashkia Mallakastër

• K. Y. – Inspektor pranë Inspektoriatit të Mbrojtjes së Territorit, Bashkia Mallakastër

Hetimet e zhvilluara nga AMP kanë zbuluar dyshime të forta që këta punonjës të policisë dhe IMT-së, në bashkëpunim, kanë lejuar ndërtimin e paligjshëm në territorin e Bashkisë Mallakastër. Sipas hetimeve, ata janë të dyshuar për shpërdorim detyre dhe ndihmën në ndërtimin e paligjshëm të objekteve në këtë zonë.

LEXONI GJITHASHTU:

• Fshehu 2 kallashnikovë në banesën e 72-vjeçares në Memaliaj, në kërkim 20-vjeçari
• Dumani jep opsionin e tij për statusin e prokurorëve të SPAK pas mandatit 9-vjeçar