Analisti Xhelal Neziri komentoi në Euronews Albania takimin e 6 dhjetorit në Tiranë mes liderëve të Bashkimit Europian.
Sipas tij ky është një mesazh për qeverinë shqiptare që të largohet nga Ballkani i Hapur.
“Tirana është i vetmi vend pa të cilin do të zhbëhej në fakt edhe Ballkani i Hapur. Ballkani i Hapur tani për tani funksionon sepse ka 3 nga 6 shtetet e Ballkanit Perëndimor,” – u shpreh Neziri.
Ai tha se një bashkëpunim Serbi-Maqedoni e Veriut ka funksionuar edhe para kësaj nisme, prandaj largimi i Shqipërisë do t’i jepte fund Ballkanit të Hapur.
“Mendoj se është një mesazh për qeverinë shqiptare që në vend se të humbë kohë me Ballkanin e Hapur do të ishte më mirë që të marrë një rol drejtues në Procesin e Berlinit, një proces i cili ka edhe mbështetjen e Gjermanisë si faktor kryesor brenda Bashkimit Europian,” – u shpreh Neziri.
LEXONI GJITHASHTU: