Andi Bushati analizon gjyqin ndaj Hashim Thaçit: Çfarë ndodhi sot në Hagë

Analisti Andi Bushati analizoi mbrëmjen e sotme gjyqin e zhvilluar ditën e sotme në Hagë për ish-komandantët e UÇK-së që ndodhen në paraburgim.

I ftuar në emisionin “Now” në Euronews Albania, Bushati nënvizoi se në fjalimet që mbajtën prokurorët u tregua jo vetëm kujdes juridik por dhe politik.

“Nuk ka ndonjë surprizë nga ajo që ishte thënë më para. Ajo që mua më bëri përshtypje nga fjalimet e prokurorëve ishte një kujdes, jo vetëm juridik por i veshur dhe politikisht dhe për të hedhur poshtë ‘Liria ka Emër”. Aktakuza pretendonte: këta nuk po i akuzojmë si luftëtarë kundra Serbisë por po i akuzojmë si luftëtarë që kanë vrarë bashkë-atdhëtarët e tyre për të fituar më shumë pushtet. Kishte një kujdes politik për të thënë që kjo nuk është një akt-akuzë ndaj UÇK-së por  ndaj disa njerëzve që kanë abuzuar dhe me luftën për të zgjeruar pushtetin e tyre”- tha ai.

LEXONI GJITHASHTU: 

• Diskutimet për detin, ambasadorja greke: Haga do japë zgjidhje të mirëpranuar
• Gazetari zbulon takimet e ish-ambasadorit serb me Dick Marty