Ankohet fermeri lushnjar: Kam 50 derra por nuk po i shes dot prej 5 muajsh…

INSTAT ka publikuar raportin e vitit 2023 për blegtorinë dhe rezultatet janë shqetësuese. Sektori ka përjetuar një rënie të frikshme dhe të rrezikshme, që mund të ketë ndikime të rënda në ekonominë tonë rurale dhe furnizimin me ushqime.

Kjo situatë kërkon ndërhyrje urgjente dhe politika të reja për të mbështetur fermerët dhe për të stabilizuar sektorin.

Franc Kaloshi, fermer nga Lushnja tha në emisionin GoodMorning Albanians në Euronews Albania se ai dhe fermerët e tjerë kërkojnë garanci për produktin kryesor që është qumështi dhe reduktimin e importit të mishrave në dëm të produkteve vendase.

“80 për qind e mishit hyn nga importi, dhe kjo po e dëmton drejtpërdrejtë fermerin shqiptar, por edhe krahun e punës. Kam 4-5 muaj që kërkoj t’i tregtoj derrat që kam rritur, rreth 50 krerë dhe nuk shiten se futet mishi nga jashtë. Kërkesa më e madhe në treg është aktualisht për mishi i qengjit, që ka shkuar 700 lekë për kg, mishi i viçit po vjen nga Rumania dhe Bullgaria. Unë nuk jam kundër importit, por të bëhet sipas rregullave dhe jo në dëm të prodhimi vendas”, tha fermeri.

LEXONI GJITHASHTU:

• Fermeri: Domatja në Tiranë shitet 5-6 fish më shtrenjtë se në Berat
• Fermeri nga Lushnja: Do e derdh qumështin ose ia jap viçave, nuk e shes kaq lirë