Apartamente, biznese, troje, SPAK kërkon konfiskimin e pasurive të Elvin Merlikës

SPAK i kërkon gjykatës konfiskimin e pasurive të Elvin Merlikës i dyshuar si një nga personat që ka kërkuar tek Nuredin Dumani vrasjen e Indrit Dokles.

Merlika është shpallur në kërkim ne sajë të operacionit plumbi i arte ku nga dëshmia e Dumanit u zbulua propozimi ndaj tij për vrasjen e Dokles.

Më herët SPAK i kishte sekuestruar këto pasuri të Merlikës dhe tashmë kërkohet që ato të konfiskohen dhe të kalojnë përfundimisht për llogari të shtetit.

Njoftimi i SPAK dhe lista e plotë 

Prokuroria e Posaçme kundër Korrupsionit dhe Krimit të Organizuar ka dorëzuar në Gjykatën e Posaçme të Shkallës së Parë, më 21.01.2025 kërkesën për konfiskimin e pasurive të sekuestruara në kuadër të procedimit pasuror nr.2 të vitit 2022.

Prokuroria e Posaçme regjistroi procedimin e mësipërm, për hetimin pasuror të shtetasit Elvin Merlika, i dyshuar për veprën penale të: “Sigurimi i kushteve dhe i mjeteve materiale për të kryer vrasje”, në dëm të shtetasit Indrit Dokle, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/1, 334 të Kodit Penal si dhe personave të lidhur me të.

Mbi bazën e dispozitave të ligjit nr. 10192 datë 03.12.2009, “Për Parandalimin dhe Goditjen e Krimit të Organizuar, Trafikimit, Korrupsionit dhe Krimeve të tjera nëpërmjet Masave Parandaluese kundër Pasurisë”, ndryshuar me ligjin nr.70/2017, janë identifikuar dhe sekuestruar* pasuritë e luajtshme dhe të paluajtshme të personave nën hetim pasuror dhe personave të lidhur me ta.

Në përfundim të hetimit pasuror rezulton se pasuritë e sekuestruara janë të pajustifikuara nga burime të ligjshme dhe për pasojë prezumohet se janë rezultat i veprimtarisë kriminale të personave të hetuar dhe të personave të lidhur me ta.

Pasuritë e sekuestruara për të cilat kërkohet konfiskimi janë:

1. 1. 100% të kuotave të shoqërisë “Zeus Garden” sh.p.k.
   2. 49% të kuotave të shoqërisë “M.S.G Security” sh.p.k.
   3. 100% të kuotave të shoqërisë “London Eye” sh.p.k.
   4. Pasuri e paluajtshme e llojit arë, me sipërfaqe 3250 m2, me adresë Fushë-Kuqe Kurbin.
   5. Pasuri e paluajtshme e llojit apartament 14/5, kati i 6, me sipërfaqe 108 m2, në zonën e Kasharit.
   6. Pasuri e paluajtshme e llojit truall me sip. 6026 m2, ZK.3051, me adresë Priskë Tiranë.
   7. Pasuri e paluajtshme e llojit apartament, me sip. 105 m2, me adresë Yzberisht.
   8. Pasuri e paluajtshme e llojit arë më numër, me sipërfaqe 3250 m2, me adresë Fushë-Kuqe Kurbin.
   9. Pasuri e paluajtshme e llojit apartament më numër, me sipërfaqe 38.85 m2, me adresë Yzberisht Tiranë.
   10. Pasuri e paluajtshme e llojit apartament, me sip. 81.24 m2, në posedim nga shoqëria “………..” sh.p.k.
   11. Pasuri e paluajtshme e llojit garazh, me sip. 50.82 m2, në posedim nga shoqëria “………..”,.
   12. Pasuri e paluajtshme e llojit apartament, me sip. 89 m2, me adresë Tiranë.
   13. Pasuri e paluajtshme e llojit apartament, me sip. 35.09 m2, me adresë Tiranë.
   14. Pasuri e paluajtshme e llojit bodrum, me sip. 9 m2, me adresë Bulevardi “Bajram Curri” Tiranë.
   15. Pasuri e paluajtshme e llojit apartament, me sip.30.2 m2, me adresë Rruga “Karl Gega.
   16. Pasuri e paluajtshme e llojit garazh, kati i parë nëntokë në objektin e shoqërisë “Xh……” sh.p.k.
   17. Pasuri e paluajtshme e llojit apartament, me sip. 105 m2, me adresë Yzberisht.
   18. Pasuri e paluajtshme e llojit arë, me sipërfaqe 3250 m2, me adresë Fushë-Kuqe Kurbin.
   19. Pasuri e paluajtshme e llojit pyll me sip. 6026 m2, me adresë Priskë e Madhe, Tiranë, në vendin e quajtur (Fusha e Bukur).
   20. 9 (nëntë) automjete të markave të ndryshme.

*Këto pasuri janë sekuestruar me vendimin nr. Nr.4, datë 23.01.2023  të Gjykatës së Posaçme të Shkallës së Parë për Korrupsionin dhe Krimin e Organizuar

LEXONI GJITHASHTU:

• Arrestohet nipi i ish-deputetit socialist, Rrahman Rraja
• Mik me Indrit Doklen, kush është Fatjon Murati, pronari i lokalit në Tiranë