Arben Malaj: Lojërat e fatit duhen legalizuar, ja katër asye

Ish-ministri i financave Arben Malaj, ishte mëngjesin e kësaj të enjteje i ftuar në “Good Morning Albanians”  ku ka folur për çështjen e legalizimit të lojërave të fatit.

ai tha se është e pajustifikueshme që lojërat e fatit të vazhdojnë të jenë 100% informale, pasi kjo nxit krimin. Për këtë Malaj dha edhe katër faktorë që duhet t’i kemi parasysh të cilët tregojnë se përdorimi i lojërave të fatit do vazhdojë të rritet.

“Është e pajustifikueshme që ne të vazhdojmë të mbajmë në informalitet 100% bastet sportive. Kur shifrat janë të nivelit të lartë. Ka disa faktorë që duhet t’i kemi parasysh se lojërat e fatit do të rriten gjithnjë e më shumë. Analistët, japin katër faktorë kryesor.

E para numri i shteteve që po lejojnë lojërat e fatit është në rritje. E dyta, teknologjia e ka bërë të mundur që në qindrat e sekondës ti mund të operosh në një treg që është miliarda. E treta tashmë po luhet futboll çdo ditë dhe arsyeja është që të vihen më shumë baste.

Faktori i katërt që duhet të kemi parasysh është se po rritet numri i përdoruesve nga të rinjtë, të moshuarit dhe nga gratë. Ka studime psikologjike që tregojnë se është rritur numri i grave”,-tha Arben Malaj.

LEXONI GJITHASHTU:

• Samiti i Berlinit: Prioritetet e bashkëpunimit për sigurinë e Ballkanit Perëndimor
• Kërkesat e opozitës për koncesionet në shëndetësi, mblidhet konferenca e kryetarëve