Ish-efektivi Arjan Tase nuk e ka kundërshtuar vendimin e dhënë sot nga Gjykata e Vlorës, që vendosi ndaj tij masën e sigurisë arrest me burg me akuzën e vrasjes me dashje indirekte.
Tase mësohet se u ka shprehur ngushëllimet familjarëve të vajzës 7-vjeçare që humbi jetën pasi u përplas nga skafi i fuqishëm që drejtohej prej tij si dhe policisë së shtetit, ku deri 3 ditë më parë ishte pjesë.
Ish-shefi i komisariatit të Himarës goditi për vdekje me skafin që drejtonte një vajze 7- vjeçare në plazhin e Potamit.
Nga hetimet e deritanishme Tase ka kryer manovra të rrezikshme me gomonen duke sjellë si pasoje goditjen me helikat e motorrit te vajzës 7-vjeçare, e cila humbi jetën menjehrë.
Ndërsa efektivi i policisë, në dëshminë e tij sqaroi se gomonia kishte marrë gaz në mënyrë të pavullnetshme, gjë që solli humbjen e kontrollit nga ana e tij.
LEXONI GJITHASHTU:
- Vrasje me dashje indirekte, Gjykata lë në burg ish-efektivin Arjan Tase
- Berisha: Janë zhdukur kamerat që regjistruan vrasjen në Himarë
