Arratisja nga Kievi, qytetarët të dëshpëruar për t’u larguar nga kryeqyteti

Stacioni qendror i trenit në Kiev mbetet i mbipopulluar, me mijëra ukrainas janë të dëshpëruar për t’u larguar nga kryeqyteti.

Nënat shtrëngojnë fort fëmijët e tyre ndërsa qentë e habitur fillojnë të lehin. Pasi mësojnë se trenat janë të mbipopulluar, shumë njerëz i kap paniku.

“Jam e tmerruar. Tani është edhe kërcënimi nga shpërthimi bërthamor. Trupat po i afrohen Kievit, prandaj është kjo turmë kaq e madhe këtu”, shprehet Anastasia Kolomiyet, banore e Kievit.

“Mendova se lufta do të zgjaste pak ditë. Askush nuk e besoi, askush nuk besoi se ne do të duhet të largohemi”, tregon një tjetër banore e kryeqytetit të Ukrainës.

Alexandër buzëqesh me zemër të thyer, me lot në sy,  teksa përshëndet  vajzën  e tij 5-vjeçare Anna, e cila po largohet drejt Lviv.

Shumë burra i kanë dërguar familjet e tyre në Ukrainën perëndimore.

Shumë prej tyre kanë marrë vendimin e vështirë për të qëndruar në kryeqytet dhe për ta mbrojtur  nga rusët.

Edhe këta banorët  ukrainas të ndihmuar nga ushtria kalojnë një urë të dëmtuar, ata po largohen nga Irpin një zonë në periferi të Kievit.