Arrest me burg për Ilrjan Selmanin, mohon në gjykatë vrasjen e 52-vjeçares
Gjykata e Korçës ka pranuar kërkesën e Prokurorisë për caktimin e masës së sigurisë “arrest me burg” ndaj Ilrjan Selmanit, 31-vjeçarit të dyshuar si autor i vrasjes së Kozeta Teços, ngjarje e ndodhur tre ditë më parë në qytetin e Pogradecit.
Gjatë seancës gjyqësore për caktimin e masës, Selmani ka mohuar në mënyrë kategorike përfshirjen e tij në ngjarje, duke deklaruar se nuk është autori i vrasjes dhe se nuk ka pasur asnjëherë një marrëdhënie bashkëjetese me 52-vjeçaren.
Avokati i të dyshuarit i ka kërkuar gjykatës të mos pranojë masën e arrestit me burg, duke argumentuar se prokuroria nuk ka prova të mjaftueshme për të provuar autorësinë e klientit të tij.
Ndërkohë, prokuroria ka paraqitur dy prova kryesore në mbështetje të dyshimeve: njollat e gjakut të gjetura në një palë pantallona, të cilat janë zbuluar në një kazan mbetjesh urbane pranë banesës së viktimës, si dhe pamje filmike ku Selmani shfaqet duke hyrë dhe dalë nga banesa e Kozeta Teços ditën e ngjarjes.
52-vjeçarja u gjet e asfiksuar brenda banesës së saj në Pogradec, ku fillimisht u dyshua për vdekje natyrale si pasojë e përfshirjes së banesës nga zjarri.
Por hetimet e mëtejshme nga grupi hetimor zbuluan se 52-vjeçarja ishte ekzekutuar me thikë.
Selmani u arestua pas kqyrjes së pamjeve filmike, ku shihet duke hedhur në koshin përballë banesës një qese me rroba, gjurmët e gjakut të u gjetën pikërisht ato pantallona.
31-vjeçari pranoi fillimisht krimin, por ndryshoi dëshmi në sallën e gjyqit.
LEXONI GJITHASHTU:
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta