Arrestimet e SPAK, Haxhiu: Tani ka lëvizje, në periudhë fushate ka paqe

Gazetari Baton Haxhiu tha në një intervistë për Euronews Albania se deri kur të fillojë fushata zgjedhore ne shtator SPAK-u e ka folusin te krimi, ndërsa në periudhë fushate, nëse nuk ka krim të dukshëm, atëherë bën një kompromis dhe i pushon çështjet e korrupsionit.

Sipas tij SPAK-u nuk po i rëndon as Edi Ramës, as opozitës, por kriminelëve.

“Deri në shtator kur fillon fushata zgjedhore do keni arrestime të vazhdueshme. Kur fillon fushata zgjedhore megjithatë, sistemi i drejtësisë e bën një farë paqeje për 6-7 muaj ose 1 vit, vetëm nëse ka krim të faktuar, të themi vrasje e gjëra të tilla, përndryshe këto gjërat korruptive pushojnë. Me këtë logjikë tani jemi në periudhë lëvizjesh. Nuk e di lëvizje të forta a të buta, krimi është krim, arrestimi është arrestim, burgosja është burgosje. SPAK-u nuk po i peshon as Ramës, as opozitës, por kriminelëve ose keqbërësve,” – u shpreh Haxhiu.

LEXONI GJITHASHTU:

• SPAK dërgon për gjykim dosjen e ish-kryetarit të Bashkisë së Bulqizës, Lefter Alla
• Ish-deputeti i Partisë Socialiste dhe LSI paraqitet në SPAK