Arrestimi i Belerit, Daci: Sinjal i qartë që duhet të marrë fund shit-blerja e votës

Avokati Alban Daci komentoi arrestimin e kandidatit të koalicionit ‘Bashkë Fitojmë’ në Himarë, Fredi Beleri.

Në një intervistë për Euronews Albania, ai theksoi se ky është një sinjal i qartë që akti i shit-blerjes së votës duhet të marrë fund.

Më tej ai theksoi se brenda territorit të Shqipërisë zbatohet vetëm ligji i Kushtetutë dhe asnjë shtet tjetër nuk ka kompetencë që të intimidojë autoritetet shqiptare.

“Unë nuk i di rrethanat e arrestimit, por ajo që duhet të kuptojnë njëherë e përgjithmonë fqinjët tanë është fakti që përtej konservatorizmit të rremë, sovraniteti i Shqipërisë , është ekskluzivisht sovraniteti i Shqipërisë dhe brenda territorit tonë zbatohet vetëm ligji i Kushtetutës. Askush tjetër nuk ka asnjë lloj kompetence të intimidojë autoritetet ligj-zbatuese të Shqipërisë në rastin konkret. Rrëmuja nga Athina zyrtare nuk justifikon faktin e të qenit anëtare e BE, por as faktin që e kemi konsideruar një fqinj të mir.”- tha ai.

LEXONI GJITHASHTU: 

• A mund të kandidojë për Bashkinë Himarë Beleri pas arrestimit? Flet juristi
• Arrestimi i Belerit jehonë në Greqi, si u pasqyrua lajmi në mediat fqinje