A mund të kandidojë për Bashkinë Himarë Beleri pas arrestimit? Flet juristi

Kandidati i koalicionit “Bashkë fitojmë” për Bashkinë Himarë, Fredi Beleri u arrestua një ditë më parë me urdhër të Prokurorisë së Vlorës me akuzën e blerjes së votave.

Juristi Redi Ramaj tha në një intervistë për Euronews Albania se Fredi Beleri ka të drejtë të vijojë kandidimin për bashkinë Himarë në zgjedhjet e 14 majit derisa të ketë një vendim gjykate për të.

“Gara mund të vazhdojë se jemi 2 ditë para zgjedhjeve dhe nuk mundet që ky kandidat i regjistruar sipas rregullave të mos regjistrohet në fletët e votimit. Nëse kemi vendim përfundimtar të gjykatës për dënim e tij mund të kemi përsëritje të votimeve në këtë zonë, nëse është fitues. Nëse jo, vazhdon normalisht procesi. Nëse ka vendim të formës së prerë ndaj tij, zgjedhjet do përsëriten pa të, pasi e ndalon ligji”, tha juristi.

Ai tregoi se sipas kodit penal flitet për raste kur ka ofrim të parave që lidhen drejtpërdrejtë me procesin e votimit. Dënimi i parashikuar lidhur me këtë vepër penale është nga 1-5 vjet burg.

LEXONI GJITHASHTU:

• Flet qytetari nga Himara: Beleri më premtoi 100 mijë lekë për votë, nuk pranova
• “U kap duke dhënë para për të blerë vota”, zbardhet urdhër-arresti për Fredi Belerin