Arrestimi i Belerit në Himarë, Meta: Regjimi e Rama të tmerruar nga vota e lirë

Ish-presidenti Ilir Meta, ka reaguar në lidhje me arrestimin e kandidatit Fredi Beleri për Bashkinë Himarë.

Në një postim që ka bërë në rrjetet sociale, Meta u bën thirrje qytetarëve të Himarës që të fuqizojnë në maksimum fushatën dhe ti japin goditjen përfundimtare kryeministrit Edi Rama.

Ndër të tjera Meta thorë se SPAK nuk po vepron ndaj kryetarëve të bashkive që shkelin ligjin dhe vërtetohen si fajtorë por rrëmbejnë  kandidatin e koalicionit “Bashkë Fitojmë”

“Pjesëmarrje, pjesëmarrje dhe vetëm pjesëmarrje!

Ky ështe ilaçi ndaj një Kryeministri dhe një regjimi, që po jep shpirt dhe të tmerruar nga vota e lirë.

Ndërsa SPAK nuk vepron ndaj dhjetëra Kryetarëve të Bashkive, që shkelin ligjin dhe vërtetohen si fajtorë, pas sulmeve të paramenduara dhe të inskenuara të Kryeministrit delinkuent, rrëmbehet pas mesnate në mënyrë mafioze Kandidati për Kryetar i Bashkisë në Himarë.

Të gjithë qytetarët dhe strukturat opozitare në Himarë të jenë në këmbë, të fuqizojnë në maksimum fushatën dhe të intensifikojnë kontaktet me zgjedhësit për të votuar masivisht dhe për t’i dhënë goditjen përfundimtare Kryeministrit, grabitësit dhe shkatërruesit më të madh për qëllime mafioze të pronave në Himarë dhe gjithë bregdetit të Jugut nga Vlora deri në Ksamil”- tha ai.

LEXONI GJITHASHTU: 

• Arrestimi i Fredi Belerit, reagon policia e shtetit
• “Shitblerje votash”, Beleri u arrestua në flagrancë pas hetimit të Prokurorisë Vlorë