Arrestohen gjashtë persona në veri të Mitrovicës, sulmuan policinë

Gjashtë persona janë arrestuar pasi dyshohet se janë përshirë në një përleshje e cila që ka ndodhur më 25 shkurt në rrugë “Kral Petri” në veri të Mitrovicës.

Policia e Kosovës ka njoftuar se pas ndërhyrjes se njësisë patrulluese për ta ndaluar rrahjen të dyshuarit fillimisht i kanë ofenduar e më pas edhe i kanë sulmuar zyrtarët policor.

Gjithashtu bëhet me dije se tre zyrtar policor kanë pësuar lëndime trupore e më pas kanë pranuar trajtim mjekësor.

“Më datë 25.02.2025 policia ka arrestuar gjashtë persona të dyshuar për veprën penale ‘Sulm ndaj personit zyrtar’. Te dyshuarit Alkool test: N.N. – 24 vjeçar 1.59 për qind, N.N. – 26 vjeçar 1.62 për qind, A.B. – 28 vjeçar 1.50 për qind, A.B. – 30 vjeçar 1.57 për qind, I.R. – 24 vjeçar 1.21 për qind, B.D. – 19 vjeçar 1.84 për qind”, thuhet në njoftim.

Sipas policisë të dyshuarit pasi janë arrestuar janë dërguar në stacion policor ku ju është bërë matja me alkool test dhe të njëjtit kanë rezultuar se janë nën ndikim të alkoolit.

LEXONI GJITHASHTU:

• Plagosja e 30-vjeçarit në Lezhë, policia njoftim zyrtar
• Plagosja e 3 efektivëve në protestën e PD-së/Karamuço zbulon të pathënat e protestës