Arrestohet 22-vjeçari: Posedonte armë dhe shiste drogë, ishte në “Arrest shtëpie”

Një 22-vjeçar është arrestuar në flagrancë nga Policia e Shtetit në Velipojë, pasi u kap duke qarkulluar me armë zjarri dhe duke shitur kanabis në doza, ndonëse ishte me masë sigurie “Arrest në shtëpi”.

Sipas njoftimit të policisë, shërbimet kishin marrë informacion se shtetasi F. G., banues në fshatin Pulaj, dilte nga banesa dhe tregtonte lëndë narkotike. Gjatë kontrollit, policia gjeti dhe sekuestroi një pistoletë me municion luftarak, doza të lëndës narkotike kanabis sativa dhe automjetin me të cilin ai qarkullonte.

F. G. ishte me masë sigurie “Arrest në burg” për veprën penale “Prodhimi dhe shitja e narkotikëve”, vendim i Gjykatës së Shkodrës.

Pas arrestimit, ai akuzohet për veprat penale “Largimi i të burgosurit nga vendi i qëndrimit”, “Mbajtja pa leje dhe prodhimi i armëve, armëve shpërthyese dhe municionit” dhe “Prodhimi dhe shitja e narkotikëve”.

Materialet procedurale janë referuar në Prokurorinë pranë Gjykatës së Shkallës së Parë Shkodër për veprime të mëtejshme.

LEXONI GJITHASHTU:

• Nxjerr kallashnikovin dhe qëlllon makinën në kryqëzim, pamjet e ngjarjes në Kombinat
• Qëlluan me kallashnikov në mes të kryqëzimit në Kombinat, kush janë të arrestuarit