Një burrë u arrestua pasi u ngjit në Kullën Eifel të dielën, disa orë para ceremonisë së mbylljes së Lojërave Olimpike.
Burri u pa duke u ngjitur në kullë rreth orës 14:45 me orën lokale (13:45 BST) dhe oficerët ndërhynë menjëherë dhe e arrestuan atë, tha policia.
Videot në mediat sociale tregojnë një burrë pa këmishë duke ngjitur kullën pak sipër unazave olimpike që e kanë zbukuruar atë gjatë lojërave verore.
Në një video tjetër, burri shoqërohet nga policia, me duar të lidhura me pranga pas shpine dhe i thotë një kalimtari të rastit: “Gjak i ngrohtë, apo jo?”
Policia ende nuk ka mundur të zbulojë motivin për të cilin ai u shpreh kështu.
Associated Press raportoi se policia franceze evakuoi zonën përreth Kullës Eiffel gjatë incidentit, ndërsa CNN gjithashtu raportoi se kulla ishte evakuuar, duke cituar policinë.
Kulla Eifel ishte pjesa qendrore e finales së madhe të ceremonisë së hapjes së Lojërave Olimpike, por nuk pritej të shfaqej në ceremoninë e mbylljes më vonë të dielën.
LEXONI GJITHASHTU:
- Lojërat Olimpike| Dudaev, mundësi që përfaqëson Shqipërinë, kalon në çerekfinale
- Mundësi egjiptian arrestohet në Paris, dyshohet për ngacmim seksual
