Arrestohet i mituri në Holandë, kërcënoi se do të “dërgonte shkollën në ferr”

Policia holandeze ka arrestuar një të mitur që kërcënoi me gjakderdhje në një shkollë të mesme në qytetin verior Zaandam.

Nuk dihet motivi i djalit, ndërsa hetimet për këtë rast vazhdojnë, njofton policia, transmeton nos.nl.

I mituri dërgoi dy emaile kërcënuese në shkollën Pascal Zuid në Zaandam, si dhe një foto të një arme gjysmë automatike.

Në një prej emaileve ai kërcënonte se të martën e datës 4 prill, në orën 10:30 do ta “dërgonte shkollën në ferr” dhe deklaronte se “njerëzit do të shtrihen përtokë të mbuluar me gjak”.

Pascal Zuid dhe dy shkolla aty pranë u mbyllën dje për shkak të këtyre kërcënimeve.

LEXONI GJITHASHTU:

• Treni del nga shinat në Holandë, një viktimë dhe 30 të plagosur
• Financimi i fshehtë i Vitesse/ Abramovich pas skandalit, si u paguan yjet në Holandë