Arrestohet ish-nënkryetari i bashkisë Librazhd

Andri Çota, ish-nënkryetar i bashkisë së Librazhdit, i cili ishte shpallur në kërkim pasi dyshohet se ka abuzuar me fondet e një klubi sportiv, është arrestuar nga policia.

Gjykata e Shkallës së Parë e Juridiksionit të Përgjithshëm Elbasan, më datë 21 shtator të këtij viti i ka caktuar ndaj 37-vjeçarit masën e sigurisë “Arrest në burg”, pasi dyshohet se gjatë kohës që ka mbajtur postin nënkryetar i bashkisë Librazhd, ka keqpërdorur fondin për klubin sportiv, duke shkaktuar dëm ekonomik.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Po lahej në lumin Rrapun, mbytet 11-vjeçari në Librazhd
• Dy aksidente brenda disa minutash në Librazhd, 3 të plagosur