Një 37-vjeçar është arrestuar nga policia e Lushnjës me akuzën e prodhimit dhe shitjes së lëndëve narkotike.

Në kuadër të operacionit Tempulli është vënë në pranga shtetasi D. K., 37 vjeç, banues në Lushnjë.

Gjatë kontrollit në automjetin që ky shtetas drejtonte, shërbimet e Komisariatit të Policisë Lushnjë, kanë gjetur lëndë të dyshuar narkotike, e më pas nga kontrolli i banesës janë gjetur dhjetëra doza lende narkotike e dyshuar heroinë.

Nga veprimet hetimore dyshohet se ky shtetas siguronte lëndë narkotike heroinë, i ndante në doza në banesën e tij dhe i shiste në lagje të ndryshme.

Në cilësinë e provës materiale u sekuestrua lënda narkotike, një peshore elektrike, një aparat celular, një automjet dhe një shumë parash që dyshohet të jetë përfituar nga kjo veprimtari kriminale.

LEXONI GJITHASHTU:

• Aksident me vdekje në Lushnjë, humb jetën 29-vjeçari
• U zunë për motive të dobëta, 49-vjeçari qëllon me thikë kokë një person në Lushnjë