Arsenal–Bayern, supersfida e Champions League ndez mbrëmjen

Sulmi më i mirë përballë mbrojtjes së hekurt, njëri kryeson kampionatin anglez dhe tjetri atë gjerman.

Kjo është padyshim ndeshja e momentit në futbollin evropian, Arsenal–Bayern.

Dy ekipet më në formë të momentit sfidojnë njëra-tjetrën në Londër dhe sigurisht që e gjithë vëmendja është në “Emirates Stadium”.

Ky është ballafaqimi i 17-të mes këtyre dy skuadrave në të gjitha kompeticionet dhe i 15-ti në Ligën e Kampionëve, aty ku Bayern ka 8 fitore, Arsenali 3 dhe 3 duele janë mbyllur në barazim.

Të dyja vijnë me mungesa në këtë përballje, por teknikët Arteta dhe Kompany i kanë gati formacionet.

Britanikët cilësohen favoritë për fitimin e 90 minutave, edhe pse duele të tilla nuk mund të parashikohen.

E mërkura vijon edhe me ndeshje të tjera spektakolare: njëra në Madrid mes Atleticos vendëse dhe Interit, dhe tjetra në “Parkun e Princave”, ku kampionët në fuqi PSG presin Tottenhamin.

Në fushë do të zbresin edhe rekordmenët e Champions, Real Madridi, që udhëton drejt Greqisë, ku e pret Olympiacos.

Pas humbjes në kampionat përballë Nottinghamit, Liverpool-i kërkon kthimin te fitorja dhe synon ta bëjë këtë në Champions ndaj PSV-së.

Eintracht Frankfurt–Atalanta dhe Sporting–Club Brugge janë dy duele të tjera që luhen në mbrëmje, ndërsa e mërkura hapet me Kopenhagen–Kairat Almaty dhe Pafos–Monaco.

LEXONI GJITHASHTU:

• Chelsea gjunjëzon Barcelonën, Juventusi fiton me përmbysje
• Leverkusen bën surprizën, mund Cityn në shtëpinë e tij
• Bayern bind ndaj Leverkusen, me disa ndryshime në formacion fiton 3-0