Presidenti i ri në dorën e PS, digjet pa asnjë kandidat edhe raundi i tretë

Është konsumuar edhe raundi i tretë për zgjedhjen e Presidentit pa asnjë kandidat.

Në seancë nuk ishte i pranishëm grupi parlamentar i PD, ndërsa në sallë ishin vetëm disa deputetë të tjerë të opozitës, mes tyre edhe mbështetës të Sali Berishës.

Ndërkohë Konferenca e Kryetarëve do të mblidhet për të caktuar datën e votimit të katërt kur ‘topi’ do i kalon Partisë Socialiste e cila mund ta zgjedhë e vetme Presidentin e ri.

Në dy raundet e fundit, do të mjaftojë një shumicë e thjeshtë prej 71 vota për zgjedhjen e tij.

Si mazhoranca edhe opozita deri tani nuk kanë paraqitur asnjë emër si kandidat.

Për paraqitjen e një kandidati zyrtar, nevojiten 20 firma deputetësh.

Gjatë 32 vite pluralizëm politik, Shqipëria ka zgjedhur vetëm në një rast një president konsensual.

Në vitin 2002, me marrëveshje Nano-Berisha, Alfred Moisiu u zgjodh President me 97 vota.

LEXONI GJITHASHTU:

• Balla: Në raundin e katërt, PS do propozojë kandidat për president
• Raundi i tretë për presidentin, palët nuk propozuan asnjë kandidat