Atentati mafioz ndaj Martin Bardhit, shkarkohet shefi i komisariatit në Mirditë

Martin Bardhi u qëllua në afërsi të komisariatit të qytetit të Rrëshenit me breshëri kallashnikovi më 26 shtator. Zona në të cilën u krye atentati është një ndër më të populluarat, çka mund të kishte përfunduar dhe në tragjedi më të madhe.

Pas kësaj ngjarje të rëndë, shefi i Komisariatit të Policisë Mirditë është shkarkuar. Në vend të tij është emëruar Klodian Kondi.

Krahas kësaj, ndryshime ka pasur dhe në Lezhë.

• Gentian Berberi emërohet zv/drejtor për Krimet në DVP Lezhë
• Altin Mena emërohet zv/drejtor për Rendin në DVP Lezhë

Kujtojmë se Martin Bardhi rezulton një person me precedent të mëparshëm penal. Më herët ai është akuzuar për atentatin ndaj nipit të Kastriot Reçit, Saimir Reçi.

Në mars të këtij viti Martin Bardhi së bashku me djalin e tij kanë gjuajtur me armë në drejtim të makinës së Saimir Reçit. Në mars ai u arrestua në lidhje me këtë ngjarje por u lirua më pas në gusht. Kujtojmë se Kastriot Reçit, pronar i një televizioni lokal në Lezhë, u vra me snajper në muajin janar të vitit 2021 në Rrëshen.

Hasmëria mes këtyre dy fiseve ka shkaktuar viktima për pothuajse dy dekada.

LEXONI GJITHASHTU:

• Vrasja e Martin Bardhit, pamjet e makinës së djegur nga e cila autorët kryen vrasjen
• Vrasja në Dukagjin, shënjestra e atentatit dyshohet të ketë qenë djali i viktimës