Automatik, municion luftarak dhe thikë në banesë, arretohet 61-vjeçari në Tiranë

Një 61-vjeçar në Tiranë ka rënë në prangat e Policisë, pasi në banesë iu gjetën armë zjarri automatik, krëhër e municion luftarak, si dhe një mjet prerës thikë.

Përmes një njoftimi Policia bën të ditur se 61-vjeçari ishte banues në fshatin Kutreq, emër të cilin mori edhe operacioni.

Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Njoftimi i Policisë:

Tiranë-Në zbatim të masave të përcaktuara në planin operacional mbarëkombëtar “Sundimi i ligjit”, u finalizua operacioni policor i koduar “Kutreq”.

Operacioni u zhvillua nga Komisariati i Policisë Nr. 4

Iu gjetën armë zjarri automatik, krëhër e municion luftarak, si dhe një mjet prerës thikë, në banesë, arrestohet në flagrancë 61-vjeçari.

Shërbimet e Komisariatit të Policisë Nr. 4, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, në zbatim të masave të përcaktuara në planin operacional mbarëkombëtar “Sundimi i ligjit”, kanë organizuar dhe finalizuar operacionin policor të koduar “Kutreq”.

Si rezultat i këtij operacioni, u arrestua në flagrancë shtetasi S. A., 61 vjeç, banues në Kutreq, Tiranë.

Gjatë kontrollit në banesën e 61-vjeçarit, në fshatin Kutreq, shërbimet e Policisë gjetën dhe sekuestruan në cilësinë e provës materiale, 1 armë zjarri automatik, krehër e municion luftarak, si dhe një mjet prerës thikë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• I dënuar në Itali për shfrytëzim prostitucioni, 56-vjeçari arrestohet në Elbasan
• Të shpallur në kërkim gjatë operacionit “Tempulli 2”, arrestohen 2 persona në Tiranë