Avokatët në Pogradec sot në protestë për hartën gjyqësore

Avokatët në qytetin e Pogradecit do të zhvillojnë paraditen e sotme një protestë kundër hartës së re gjyqësore.

Ata kundërshtojnë shkrirjen e gjykatës së rrethit në këtë qytet. Protestës pritet t’i bashkohen noterët, ekspertët ligjorë dhe qytetarë të këtij qyteti.

Prej disa javësh, avokatët kanë bojkotuar seanca gjyqësore duke kërkuar mos miratimin e hartës së re të gjyqësorit.

Avokatët tregojnë se do të vazhdojnë bojkotin, dhe janë në pritje të vendimit të Dhomës Kombëtare të avokatisë.

Ndërkohë që mendohet të shkohet deri në pezullim licencash.

Sot atyre u janë bashkuar edhe qytetarë të cilët shprehen se e kanë të pamundur të përballojnë kostot gjyqësore në rast mbyllje të kësaj gjykate.

13 gjykata të shkallës së parë, 2 gjykatë administrative dhe 1 gjykata apeli për të gjithë vendin. Ky është përfundimisht propozimi i Këshillit të Lartë Gjyqësor për hartën e re gjyqësore në vend.

KLP është institucioni i parafundit që do të japë mendimin në Ministrinë e Drejtësisë.

Më pas është Ministria e Financave që do të bëjë një përllogartije të shpenzimeve dhe kjo hartë pritet t’i kalojë qeverisë për miratim.

LEXONI GJITHASHTU:

• Rrezikohet mbyllja e 14 prokurorive me hartën e re gjyqësore
• Harta e re gjyqësore, presidenti Meta: Fsheh problematikat
• KLP çon në rekurs pezullimin e 2 prokurorëve të SPAK