Avokati apel shqiptarëve në Britani: Mos mbani të fshehur të mitur

Avokati Naim Hasani u ka bërë apel shqiptarëve që jetojnë në Britani të Madhe që mos të mbajnë të fshehur të miturit që vijnë nga Shqipëria.

Në një lidhje të drejtpërdrejt për Euronews Albania ai tha se momentalisht 88% të emigrantëve që rezultojnë të humbur në Angli janë shqiptarë.

“Problemi është se të humburit 88% janë shqiptarë. Ka diçka që nuk shkon ose këto fëmijë janë pjesë e rrjeteve të trafikantëve dhe mbahen në vende të ndryshme për qëllime kriminale dhe autoritetet britanike duhet t’i hetojnë dhe t’i kthejnë këta fëmijë në shërbimet sociale, ose është ajo tjetra që personat në Britani i marrin të  afërmit e tyre dhe i mbajnë duke mos njoftuar autoritetet përkatëse.

Përgjegjësia për fëmijët që vijnë të pashoqëruar është e shtetit. Shqiptarët nëse kanë fëmijë të të afërmëve që i mbajnë luten që të bashkëpunojnë dhe të njoftojnë shërbimet sociale dhe policinë pa vonesë”- tha ai.

LEXONI GJITHASHTU: 

• Prova për 21 janarin, oficerët ‘zbarkojnë’ në banesën e familjarëve të Aleks Nikës
• Vodhën mijëra euro në banesën e Klosit, lihen në burg Rozeta Dobi dhe djali i saj