Avokati Idajet Beqiri thotë se është i pari i cili ka zbuluar ngjarjen e rëndë, ku një 22-vjeçare nga Kenia u dhunua barbarisht në Tiranë.

Në emisionin “Good Morning Albanians” në Euronews Albania, Beqiri u shpreh se rastin në fjalë e zbuloi në një media gjermane.

Ai shtoi se artikullin e publikoi në faqen e tij në rrjetet sociale dhe se mediat shqiptare nuk e bënë publike.

“Ngjarja është me të vërtetë makabre. Këtë ngjarje e kam zbuluar unë. Pashë një media gjermane, portal gjerman, nëna e vajzës qante dhe kërkonte ndihmë për ta nxjerrë jashtë shtetit. Kur e mora dhe e përktheva nga gjermanishtja, më rezultoi që kishte ndodhur një krim në datën 13 gusht.

E mora, e hodha në faqen time dhe iu drejtova disa portaleve e mediave që ta bënin publike. Pashë që nuk ishte publikuar asgjëkundi. Mbasi e dërgova, ishte një lloj testimi, pashë që e kishte fshehur edhe media. Duhet të përbënte lajm edhe kur unë ua dhashë mediave”, theksoi ai.

Vajza ndodhet në gjendje të rëndë dhe është e nevojshme që të zhvillojë një ndërhyrje në tru, operacion ky që mund të zhvillohet vetëm jashtë vendit.

Mjekët bëjnë me dije se e reja ka 3 brinjë dhe kocka të thyera, lëndime në dorë dhe stomak si dhe dëmtime në tru.

22-vjeçarja punonte në nga kaziontë e kryeqytetit dhe mesnatën e 13 gushtit ajo humbi kontakte me familjarët e saj.

Kanë qenë shoqet e saj që e kanë identifikuar në gjendje kritike për jetën. Ajo është transportuar fillimisht në QSUT dhe më pas drejt Spitalit të Traumës. E reja ka qëndruar për disa orë në gjendje të rëndë në oborrin e një hoteli.

LEXONI GJITHASHTU

• U dhunua barbarisht, flet e ema e kenianes: Kush e përndiqte vajzën
• “Lutem që të ndodh një mrekulli”, përlotet nëna e 22-vjeçares nga Kenia
• Dëmtime në tru dhe thyerje kockash, gjendja e 22-vjeçares nga Kenia tek Trauma