Avokati: Çfarë do të vendosë KAS për regjistrimin e PD-së, nëse Celibashi refuzon

Avokati Rezart Kthupi thotë se nëse vendimi i Komisionierit Shtetëror për Zgjedhjet, Ilirjan Celibashi, nuk do të bëjë të mundur regjistrimin në zgjedhje, vendimi i tij do të apelohet në KAS dhe më pas në Kolegjin Zgjedhor.

Në një intervistë për Euronews Albania, Kthupi u shpreh i bindur se Partia Demokratike do të regjistrohet në zgjedhjet e 14 majit.

“Duke qenë se e kemi njoftuar zyrtarisht, pasi zoti Celibashi të paraqesë vendimin e tij, do të ankimojmë vendimin e zotit Celibashi për rrëzimin e kërkesës, duke e çuar në KAS dhe më pas në Kolegjin Zgjedhor.

Ne jemi të bindur që qëndrimi ose interpretimi juridik që ne i bëmë ligjit është i saktë dhe jemi të bindur që KAS-i dhe Kolegji Zgjedhor do të vendosë përfundimisht regjistrimin e Partisë Demokratike në zgjedhje. Në këtë kontekst, nuk kemi asnjë lloj dyshimi që Partia Demokratike do të regjistrohet në zgjedhje”, theksoi ai.

LEXONI GJITHASHTU

• Mediu: Berisha e ka një skenar për zgjedhjet e 14 majit, edhe nëse nuk regjistrohet
• Sefa thirrje Celibashit: PD nuk depoziton asnjë akt shtesë, vendosni sa më shpejt
• Berisha ankimon në KAS vendimin e Celibashit për mosregjistrimin në zgjedhje