Sefa thirrje Celibashit: PD nuk depoziton asnjë akt shtesë, vendosni sa më shpejt

Përfaqësuesi ligjor i Partisë Demokratike i është drejtuar me një kërkesë Kryekomisionerit Shtetëror të Zgjedhjeve, Ilirjan Celibashit.

Ai ka kërkuar që vendimi për regjistrimin në zgjedhje të merret menjëherë, ndërsa ka theksuar se e sheh të panevojshëm depozitimin e akteve shtesë.

“Të marrë vendim sa më shpejt, PD e ka bërë të qartë se nuk depoziton asnjë akt shtesë. Dokumentacioni është i plotë dhe i ligjshëm. Të marrë vendim sa më shpejt dhe pa humbur kohë. E lusim të marrë një vendim sa më shpejt,” – u shpreh Sefa.

Ndër të tjera ai i ka cilësuar komentet e Celibashit si politike dhe sipas tij nëse ka si qëllim të bëjë politikë, nuk e ka vendin në godinën e Komisionit Qendror të Zgjedhjeve.

LEXONI GJITHASHTU:

• Berisha ankimon në KAS vendimin e Celibashit për mosregjistrimin në zgjedhje
• Emërimi i komisionerëve, Celibashi: Në përputhje me parashikimet e Kodit