Avokati i Nurës: Institucionet në Kosovë kanë dështuar për dhunën në azilin e Pejës

“Institucionet kanë dështuar në rastin e një nëne të dhunuar”, kështu u shpreh Meshari Selimaj, avokati i të moshuarës Minire Nura, që u dhunua në azilin në Pejë nga tre infermiere, më 29 tetor të vitit të kaluar.

Në një intervistë për emisionin “Good Morning Albanians” në Euronews Albania, njerëzit duhet të jenë të barabartë para ligjit, duke shtuar se për nënë Nurën nuk po vihet drejtësi.

Ai shton se përveç infermiereve para drejtësisë duhet të ishte dhe përfaqësuesi juridik i azilit në Pejë ku qëndronte dhe nëna e dëshmorit që humbi jetën në luftën e Kosovës.

“Me aq sa kam informacion azili është mbyllur. Përsa i përket aktakuzës po tregohet se institucionet në Kosovë po dështojnë. Edhe pse të gjithë njerëzit duhet të jenë të barabartë para ligjit, ky rast tregon  dështimin e shtetit për dhënien e drejtësisë për rastin e një nëne të dëshmorit që i fali jetën Kosovës. Hetimet vazhdojnë është një term ndërkombëtar që nuk dihet se kur do përfundojnë. Edhe përfaqësuesi juridik i strehimores duhet të ishte para drejtësisë. Njëra  nga infermieret akuzohet për sulm ndërkohë në dokumente thuhet se ajo ka incizuar ngjarje. Nuk përputhen”- tha ai.

LEXONI GJITHASHTU: 

• “Jam lajkatar në Facebook”, pensionisti: Më pëlqen të dërgoj trëndafila…
• Avokati i të moshuarës: Deri 3 vite burg për infermieret dhunuese në azilin në Pejë