Avokati i Princ Lekës: Është prind i kujdesshëm, do hetojmë kush e nxori videon

Princ Leka ka bërë kallëzim në Komisariatin nr.1 në Tiranë ndaj ish-bashkëshortes Elia Zaharia dhe babait të saj Gjergj Zaharia. Princ Leka ka kërkuar urdhër-mbrojtje duke pretenduar se babai ish-bashkëshortes e ka dhunuar.

Avokati i Princ Lekës, Aranit Roshi tha në një intervistë për Euronews Albania se princi është dhunuar, madje ka edhe shenja të dhunës së ushtruar ndaj tij.

Ai u shpreh se Princ Leka është një prind i kujdesshëm dhe nuk kishte arsye pse të konfliktohej në sy të vajzës së tij.

“Ka qenë në banesën e vet dhe pavarësisht kësaj Princi është larguar nga banesa për t’i krijuar privatësinë Elias dhe vajzës së tyre. Ka qenë një vizitë rutinë për të parë vajzën, është bërë objekt sulmi, ka qenë i papërgatitur dhe nuk e ka regjistruar dhunën  ndaj tij. Ajo video është nxjerrë pa dijeninë dhe miratimin tonë, nuk e dimë kush e ka nxjerrë, por do hetojmë për këtë pjesë. Janë momente dhune, askush nuk ka dëshirë të ekspozohet në publik në ato rrethana, është cenim i integritetit fizik të një personi”, tha avokati.

LEXONI GJITHASHTU:

• Charles III diagnostikohet me kancer, Princi William mund të marrë angazhime publike
• “Ti të rrahësh babain tim?”- Del videoja e përplasjes së Elia Zaharia me Princ Lekën