Avokati i të moshuarës së dhunuar në Pejë, Meshari Selimaj, tha në një intervistë për “Goodmorning Albanians” se lirimi i 3 infermiereve është një “ledhatim” nga ana e drejtësisë.
“Duhet të kemi parasysh mënyrat dhe rrethanat në të cilat është kryer vepra penale. Kemi disa pamje të vrazhda të dhunës që i ushtrohet një të moshuare, e cila përveçse është e moshuar, është dhe e sëmurë, vuan nga një sëmundje e rëndë. Këtu kemi të bëjmë dhe me shkallën e lartë të dashjes,’ – u shpreh ai.
Selimaj, më herët, bëri dhe një shkrim në faqen e tij në Facebook pasi mori lajmin për lirimin e 3 infermiereve.
Aurona Pelaj, Altina Rexhepi dhe Remize Kuqi do të hetohen në gjendje të lirë. Lajmin e ka konfirmuar zëdhënësja e Gjykatës Supreme, Antigona Uka-Lutfiu.
Ngjarja e ndodhur më 29 tetor shkaktoi reagime të shumta jo vetëm në Kosovë por edhe në Shqipëri. Dy infermieret, Aurona Pelaj dhe Altina Rexhepi dhunuan të moshuarën, teksa Remize Kuqi ka filmuar duke qeshur.
LEXONI GJITHASHTU:
- Lirohen nga paraburgimi tre infermieret që dhunuan të moshuarën në Pejë
- Si është jeta në azil? Të moshuarat tregojnë eksperiencën e tyre
