Avokati Serjani: Ka abuzime me fëmijët në qendrat rezidenciale

Avokati Gentjan Serjani është shprehur se ka abuzime me fëmijët të cilët dërgohen në qendra rezidenciale për shkak të kushteve ekonomike.

I ftuar në emisionin “Good Morning Albanians” në Euronews Albania, Serjani theksoi se shumë prindër pranojnë që t’i dërgojnë fëmijët në këto qendra për vetë faktin se mund të kenë një jetë më të mirë.

“Kemi dëgjuar që në qendrat rezidenciale ka pasur abuzime për fëmijët që janë më të vegjël. Unë mendoj se as nëna as babai nuk duan që fëmijët e tyre të largohen, por në momentin që ju ka ardhur një ofertë më e mirë, kanë pranuar duke e ditur që fëmijët e tyre do të bëjnë një jetë më të mirë”- tha ai.

LEXONI GJITHASHTU: 

• Gjenden trupat e pajetë të babë e bir në Malësinë e Madhe
• Parashikimi i motit për këtë javë në Shqipëri