Avokate Eranda Gjonaj tha për “Good Morning Albanians”, se rreth 60% e divorceve në Shqipëri ndodhin për arsye ekonomike, ku një problem shumë i madh është bixhozi, apo përdorimi i lojërave të fatit.

“Kur flasim për divorcin, një arsye është faktori ekonomik. Problemi i bixhozit është një problem shumë kompleks. Shumë shpesh njerëizt i drejtohen gjykatës për të zgjidhur martesën, të dy të vetëdijshëm se duan të vazhdojnë jetën familjare, por i drejtohen gjykatës me mendimin se kështu të paktën do shpëtojnë pasurinë.

Shqiptarët në përgjithësi nuk kujdesen fare për regjimin pasuror dhe kur martohen zgjedhin të gjithë regjimin pasuror të përbashkët. Në momentin kur bashkëshorti është zhytur në borxhe për arsye të ushtrimit të lojërave të fatit. Bashkëshortja i drejtohet gjykatës me mendimin që të ruaj pjesën tjetër të pasurisë”,-tha avokatja.

LEXONI GJITHASHTU:

• Meta prezanton robotët me “personalitet”
• Megaoperacioni i policisë| Arrestohen 2 persona në Pogradec për llogari te Elbasanit