Baba Mondi surprizon Spiropalin për ditëlindje: Uroj të na nxjerrësh ligje të ëmbla

Kryetarja e Kuvendit, znj. Elisa Spiropali, u përball mbrëmjen e sotme me një surprizë të bukur, në Iftarin e organizuar nga Kryegjyshi Botëror i Bektashinjve, Shenjtëria e Tij Haxhi Dede Baba Edmond Brahimaj.

Gjatë fjalës së tij në Selinë e Shenjtë të Kryegjyshatës Botërore Bektashiane në Tiranë, Baba Edmond Brahimaj u shpreh se Znj. Spiroali kishte sot ditëlindjen duke zbuluar këtë fakt për të pranishmit dhe ofroi tortën e përgatitur me këtë rast ku uroi znj. Spiropali në emër të të gjithë të pranishmëve.

“Në Iftarin që shtrojmë sot kemi edhe një gëzim tjetër, ditëlindjen e zonjës Spiropali. Prandaj edhe në emrin tuaj e uroj Kryetaren e Kuvendit në këtë ditë të shenjtë: Të bëhesh 100 vjeç, të jesh e ëmbël dhe të na nxjerrësh ligje të ëmbla.”, u shpreh Baba Mondi.

“Ju falenderoj me shumë përulësi për këtë surprizë, i dashur Baba Mondi. U uroj të gjithë besimtarëve, të gjithë atyre që agjërojnë, agjërim të lehtë e të pranuar. Uroj të kemi më shumë dashuri në zemrat tona, më shumë tolerancë, më shumë paqe dhe më shumë mirëkuptim. T’u vijmë më shumë në ndihmë atyre që kanë më shumë nevojë. Urimet më të mira në këtë muaj të shenjtë, me kaq shumë peshë e simbolikë, për të gjithë besimtarët, për të gjithë shqiptarët.”, u shpreh znj. Spiropali.

Baba Mondi surprizon Spiropalin për ditëlindje: Uroj të na nxjerrësh ligje të ëmbla pic.twitter.com/NXvekTOyp7

— Euronews Albania (@EuronewsAlbania) March 15, 2025

LEXONI GJITHASHTU:

• Spiropali vendos për seancën e fundit para zgjedhjeve, rendi i saj dhe kur do mbahet
• “Kërkoj kthimin e padrinos”, Berisha debat me Spiropalin: Respektoni seancën