“Kërkoj kthimin e padrinos”, Berisha debat me Spiropalin: Respektoni seancën

Seanca plenare në Kuvend u ndërpre për 5 minuta, pasi kreu i Partisë Demokratike tha në foltore se kërkonte kthimin në kuvend të kryeministrit Rama, i cili sipas tij është nisur në drejtim të Durrësit ku ndodhet në paraburgim kryebashkiaku i Tiranës, Erion Veliaj.

“Kërkoj rikthimin urgjent të Padrinos, i cili po shkon në Durrës për ti dërguar “Pojën”, Troplinin, në qeli Erion Velisë”,-tha Berisha.

Spiropali tha se kjo nuk është procedurë dhe i ndërpreu fjalën.

“Respektoni seancën, e kërkuat fjalën për procedurë, kjo nuk është procedurë”,-tha Spiropali.

Në moment deputeti Flamur Noka u afrua në foltore, ku gjithashtu u afruan dhe punonjës të gardës.

Kryeparlamentarja Spiropali mes tensioneve të krijuara në sallën e Kuvendit tha se seanca do të ndërpritej për 5 minuta.

LEXONI GJITHASHTU:

• “Ku është trysnia ndaj KLGJ?” Rama: KE kërkon sistem të regjistrimit të dëshmive
• “Vratë 17-vjeçaren”, interpelanca Dogjani- Hoxha: Po bëni politik me dramë familjare