“Ku është trysnia ndaj KLGJ?” Rama: KE kërkon sistem të regjistrimit të dëshmive

Kryeministri Edi Rama ashtu siç paraljmëroi një ditë më parë, ka dalë sërish në rubrikën “Sy m’sy” ku ka folur rreth arrestimit të kryebashkiakut të Erion Veliaj. Ai tha se Veliaj është arrestuar ndërkohë që ai është ende i dyshuar dhe jo i pandehur.

Edi Rama iu referua edhe një çështje problematike institucionale dhe ligjore, duke iu referuar reformës në drejtësi.

Ai kujtoi një raport të Komitetit të Parandalimit të Torturës në Këshillin e Europës, që rekomandonte teknologjinë e përparuar të audio-regjistrimit të personave që merreshin në pyetje dhe hetoheshin në Prokurori, por që ende nuk është  bërë.

“Çfarë kishte alarmante dhe është raporti i komisionit për parandalimin e torturës, është në 2023. Shqipëria vazhdon të ketë një nga nivelet më të larta në Këshillin e Europës për paraburgimin. Si mund të jetë kjo kështu? Shiko çfarë thotë raporti i Komisionit për Parandalimin e torturës, ata që dalin atje, Këshilli i Lartë Gjyqësor që kanë këtu në buxhetin e tyre, një numër punonjësish të rritur në 594 punonjësish dhe numri i përgjithshëm i punonjësve ka shkuar në mbi 2000 veta. Mirë bëjnë ata që flasin, trysnia… Po unë fola për paraburgimin dhe këtë e ka thënë Këshilli i Europës.

E dyta, siç komuniteti ka nënvizuar në të kaluarën, rregjistrimet audio-vizuale të intervistave të personave që pyeten përbëjnë një mbrojtje të rëndësishmë kundër keqtrajtimit, intimidimit dhe në pricip ato duhet të mbulojnë të gjitha fazat e pyetjeve të personave. Komuniteti për Parandalimin e Torturës e inkurajon Shqipërinë që të shtrijë rregjistrimin audio-vizual në të gjithë personat e ndaluar. Ky është standard i Europës.

Si mund të kemi ne akoma, kur kemi bërë një reform me një mbështetje masive të drejtësisë së re, me një personel që ka shkuar 3241 punonjës, që paguhen nga buxheti i shtetit shqiptar dhe në vitin që lamë i janë akorduar 1.2 miliardë. Çfarë duhet të bëjmë ne të pranojmë që të merren dëshmitë me orë të tjera dhe në fund të thonë ke 5 fleta merri firmosi. Këtë duhet të pranojmë ne?”-tha kryeministri Rama.

LEXONI GJITHASHTU:

• “Nuk ka prova për Veliajn”, Rama: Prokuroria ka dyshime, por s’ngre dot akuzë
• “SPAK nuk është Vatikani”, Rama: Me ç’të drejtë iu merren telefonat sipërmarrësve…