Baba: Shumica e të huajve vijnë në Shqipëri se është reklamuar si vend i lirë

Flora Xhemani Baba, eksperte turizmi është shprehur se shumica e të huajve zgjedhin të vizitojnë Shqipërinë për shkak se çmimet janë më të lira.

E ftuar në emisionin “Now” në Euronews Albania, ajo theksoi se Shqipëria është reklamuar si destinacion i lirë.

“Shumica e të huajve që vijnë në Shqipëri, nuk po them për të gjithë, vijnë se Shqipëria është reklamuar si destinacion i lirë. Për shembull, spanjollët nuk po bëjnë më pushime në Spanjë, sepse kushtojnë por vijnë në Shqipëri” – theksoi ajo.

Nga ana tjetër gazetari Flor Gjini nënvizoi se një spanjoll që do pushime luksi mund të gjejë në Shqipëri shumë më lirë se në vendet e tjera.

“Një spanjoll që do një pushim luksi, në Shqipëri mund ta gjejë shumë herë më lirë se diku tjetër”- tha ai.

LEXONI GJITHASHTU: 

• Veri apo Jug, ku është mikpritja më e mirë? Përgjigjet eksperti i turizmit
• “Sheqeri mund t’ju shkaktojë ngërç në det”, Nutricionistja: Shmangini këto ushqime