“Babanë e rrahën për vdekje”, Krasniqi në Hagë: Burgosja ime ishte traumë për të

Ka mbajtur fjalën para Gjykatës në Hagë ish-udhëheqësi i UÇK-së Jakup Krasniqi, i cili akuzohet për krime lufte.

Krasniqi tha se babai ishte viktimë e dhunës nga forcat serbe ndërsa tregoi rastin kur i ati u kthye në shtëpi i rrahur për vdekje.

Më tej ai tha se babai i tij ka qenë i përndjekur dhe se burgosja e Krasniqit në vitin 1981 ka qenë një traumë për të.

“Sapo përfundoi lufta regjimi komunist i Jugosllavisë imponoi administrimin ushtarak në Kosovë dhe pa proces gjyqësor ekzekutoi mijëra shqiptar.  Gjendja vazhdoi deri në korrik të vitit 1945 kur Kuvendi i Prizrenit u vendos që Kosova t’i aneksohej Serbisë. Dua të theksoj se që në fëmijërinë time kam qenë i rrethuar me njerëz që i kanë mbijetuar gjenocidit të Serbisë, familjarët e të cilëve ishin vrarë, burgosur, u ishin shkatërruar shtëpitë dhe u ishin marrë pronat. Kur isha 5-6 vjeç në vitin 1956, regjimi komunist filloi një valë të re të dhunës. Babai im ishte viktimë e kësaj dhune. Më kujtohet që sot kur babai im u kthye në shtëpi i rrahur për vdekje dhe në një qoshe të shtëpisë nëna ime mundohej të ja lehtësonte dhimbjen e torturës njerëzore. Babai im ka qenë i përndjekur dhe ka përjetuar trauma të mëdha. Burgosja ime ishte shumë e vështirë për të.”- tha ai.

LEXONI GJITHASHTU: 

• U konfliktua me një person në rrugën “Vaso Pasha”, ndërron jetë 41-vjeçari në Tiranë
• Krasniqi: Përmbajtja e akuzës më ka lënduar më shumë se torturat e Serbisë