Baçi për Alibeajn: Është një turp, i shitur kokë e këmbë te Rama

Deputeti i Partisë Demokratike, Luan Baçi e ka cilësuar një turp të vërtetë Enkelejd Alibeajn dhe se do të mbahet mend si njeriu që i bëri më shumë dëm kësaj force politike.

Në një intervistë për Euronews Albania, Baçi u shpreh se Alibaj është i shitur kokë e këmbë te kryeministri Edi Rama.

“Është për të ardhur keq kur themi do mbledhë Alibeaj forume. Forumet e Alibeajt janë inekzistente, për arsye se të gjitha ata që kanë qenë, janë larguar. Alibeaj çfarë ka bërë tashmë? Ka gjetur individë pa lidhje fare, i ka marrë i ka regjistruar, u thotë; ju jeni Kryesi, ti je në Këshillin Kombëtar.

Ai është një amalgam, është një trup i vërtetë. Alibeaj do të mbahet mend në historinë e Partisë Demokratike, si njeriu që ka dëmtuar më shumë Partinë Demokratike nga kushdo tjetër dhe si një njeri që absolutisht, me veprimet e tij të ndërgjegjshme, e dëmton Partinë Demokratike dhe i shitur te Edi Rama kokë e këmbë”, theksoi ai.

LEXONI GJITHASHTU

• Deputeti i PD-së tregon arsyen: Ja pse Alibeaj nuk regjistrohet dot në zgjedhje
• “PD nuk e ka fuqinë e partisë”, eksperti komenton të ardhmen e Berishës
• Si Alibeaj e rrëzoi Berishën? Eksperti ligjor zbardh veprimet që u ndërmorën