Bajram Begaj votohet sot në Kuvend si kreu i ri i shtetit

Kreu i Forcave të Armatosura, Bajram Begaj i prezantuar një ditë më parë si kandidati zyrtar i Partisë Socialiste për president, pritet të votohet sot si kreu i ri i shtetit.

Kandidatura e Begaj do të kalojë për votim në Parlament në orën 18:00, ku do të duhen të paktën 71 vota për t’u zgjedhur si kreu i ri i shtetit.

Nëse zgjidhet, Bajram Begaj do të jetë Presidenti i 7-të i Shqipërisë në 32 vite pluralizëm politik pas Sali Berishës, Rexhep Meidanit, Alfred Moisiut, Bamir Topit, Bujar Nishanit dhe Ilir Metës.

Begaj, i cili ka një karrierë më shumë se 30-vjeçare në Forcat e Armatosura të Shqipërisë, prej vitit 2020 shërben në rolin e Shefit të Shtabit të Përgjithshëm të Forcave të Armatosura.

Më parë ai ka shërbyer në disa poste të rëndësishme si Komandant i Komandës së Stërvitjes dhe Doktrinës, Shef i Njësisë Mjekësore Ushtarake, Drejtor i Inspektoratit Shëndetësor, Kryeinspektor, dhe Këshilltar i Inspektoratit Shëndetësor në Shtabin e Përgjithshëm të Forcave të Armatosura Shqiptare.

LEXONI GJITHASHTU:

• VIDEO | ‘Mirëseerdhe zoti President’, Rama pret Bajram Begajn në Kryeministri
• Grupi Parlamentar i PD-së: Begaj, kandidat i përcaktuar nga mafia shtetërore