Balla flet për takimin prej 7 orësh me komandatët e UÇK: Mbi ta s’rëndon asnjë akuzë

Kryetari i Grupit Parlamentar të Partisë Socialiste, Taulant Balla ka folur nga Brukseli për takimin prej 7 orësh në dhomat e paraburgimit në Hagë ku takoi ish-komandantët e UÇK.

Në një intervistë me Erla Mëhillin në Euronews Albania, ai tha se të gjithë partnerët e UÇK, SHBA, vendet e NATO-s që mbështetën dhe ndërhynë ushtarakisht në Kosovë janë në krahun e UÇK.

“Kam patur mundësinë të diskutojmë me zotin Veseli e Thaçi, sepse takimet ishin me secilin prej tyre, për shumë çështje. Thelbi është fakti që mbi ta nuk rëndon asnjë akuzë të rolit personal të secilit. Është një aktakuzë mbi komandën drejtuese të UÇK, bëhet fjalë për një sulm, baltë që hidhet.

Komandantët kanë folur me aktin dhe veprën e tyre gjatë luftës. Edhe nesë do ktheheshin pas do bënin të njëjtat veprime sepse nuk kanë bërë asnjë gabim te vëtëm, asnjë akt të paligjshëm”, tha Balla teksa shtoi se do vazhdojnë përpjekjet për rishikimin e rezoltutës për t’i cilësuar të pabazuara të gjitha pretendimet.

LEXONI GJITHASHTU

• A është ai politikani që përmendet në përgjime? Flet për herë të parë Taulant Balla
• Taulant Balla në përgjimet e Çapjave? Gazetari Lita zbulon detajet
• Mesazhet e koduara të Ardian Çapjas para gjykatës, gazetari tregon detaje