Mesazhet e koduara të Ardian Çapjas para gjykatës, gazetari tregon detaje

Gazetari Eni Ferhati ka treguar detaje të reja nga deklaratat e Ardian Çapjas para trupës gjykuese.

Në një intervistë për Euronews Albania, Ferhati nënvizoi se enigmë mbetet vrasja  e avokatit Ravik Gurra, ngjarje për të cilën dha mesazhe të koduara edhe vetë Çapja.

“Në dëshminë e tij Ardian Çepja i drejtohet prokurorit të SPAK dhe i thotë duhet të hetosh vrasjen e Ravik Gurrës, avokatit të njohur, i cili u ekzekutua në mes të qytetit. Këtu në kontekstin e asaj që thashë që Çapja ka përdorur mesazhe të koduara për të dalë atje ku ai dëshiron dhe për të çuar këto mesazhe të koduara drejt destinacionit ku ai i ka dërguar. Çapja thotë se në rast se do të zbulohet vrasja e Ravik Gurës do të zbulohen thesare sa i përket krimit dhe funksionimit të krimit në Elbasan në raport me politikën. Ky është misteri, kush janë këto thesare? Kush është nën-mesazhi i Çapjas? Kush ishin të interesuar për të ekzekutuar avokatin Gurra i cili ka mbrojtur disa personazhe të botës së krimit”, u shpreh Ferhati.

LEXONI GJITHASHTU: 

• ‘S’do jem në protestën e 6 dhjetorit’, Mediu: Të konsultohemi me partitë europiane
• Kush është ministri që ndërhyn te SPAK? Flet Poli Hoxha
• “Politikani Taulant më telefoi”, Ferhati: Dëshmia e Çapjas mesazh për politikën