Balla për protestën e 6 dhjetorit: Berisha kërkon që BE mos ta shpallë “non grata”

Kryetari i Grupit Parlamentar të Partisë Socialiste, Taulant Balla thotë se protesta që opozita do të zhvillojë më 6 dhjetor është për shkak se Sali Berisha kërkon që Bashkimi Evropian të mos e shpallë “non grata”.

Në një deklaratë për mediat, Balla u shpreh se sikundër Shtetet e Bashkuara të Amerikës dhe Britania e Madhe, edhe Bashkimi Evropian po studion mundësinë për të aplikuar të njëjtin qëndrim për personat që minojnë demokracinë dhe stabilitetin.

“Sali Berisha, për hallin e tij: kjo është një protestë për të penguar vendimarrjen e Bashkimit Evropian për ta shpallur “non grata”. Unë jua kam thënë se pas shpalljes nga Shtetet e Bashkuara “non grata”, pas Britanisë së Madhe dhe fillimit të procedurave, vinon Bashkimi Evropian për të aplikuar të njëjtin qëndrim.

Kujtoj këtu fjalën e presidentes Ursula von Der Leyen, në maj të këtij viti dhe në shtator në Parlamentin Evropian, që Komisioni po studion mundësinë e përafrimit të këtyre mekanizmave, të shpalljes “non grata” të personave të cilët minojnë demokracitë dhe stabilitetin e vendeve të Ballkanit Perëndimor; dhe besoj se Sali Berisha është një prej atyre personave të cilët hyjnë në juridiksionin e këtyre mekanizmave”, theksoi ai.

Kryetari i Partisë Demokratike, Sali Berisha ka deklaruar se në datën 6 dhjetor do të jetë protesta e radhës e opozitës.

Berisha nënvizoi se mirëpret në protestë kryetarët e shteteve dhe qeverive të BE-së.

Më 6 dhjetor, në Tiranë do të zhvillohet Samiti BE-Ballkani Perëndimor.

LEXONI GJITHASHTU

• Situata e rëndë nga përmbytjet, Berisha niset drejt Shkodrës
• Moti i keq në Shkodër: Bllokohet hyrja e qytetit, dëmtohet ura e vjetër dhe e re
• Gjenden trupat e pajetë të babë e bir në Malësinë e Madhe