Balla sulmon Metën e Berishën: ‘Non gratat’ po sulmojnë të përndjekurit

Kreu i grupit parlamentar socialist, Taulant Balla sulmoi Sali Berishën dhe Ilir Metën për deklaratat e tyre në drejtim të kryetares së Autoritetit të Dosjeve lidhur me të ashtuquajturën dosja e I.M.

Nga foltorja e Kuvendit gjatë seancës së të enjtes, Balla tha se është e papranueshme se si një non-grata dhe bashkëpunëtorët e sigurimit të sulmojnë të përndjekurit politikë.

“Autoriteti i Dosjeve është vënë sot qoftë nën sulmet e non gratës dhe të ish-bashkëpunëtorëve të sigurimit të shtetit. Ish-sekretarë partie dhe bashkëpunëtorë të Sigurimit të Shtetit hedhin baltë mbi të përndjekurit që janë sot në bordin e autoriteti, që kanë alarmuar Kuvendin. Unë dhe zoti Meta, kur zoti Meta ishte kryetar Kuvendi e kemi mbështetur së bashku zonjën Genta Sula si kryetare e Autoritetit. Pak javë më parë e votuam me konsensus. Genta Sula na doli patronazhiste”, tha Balla.

Balla kërkoi edhe nga deputetët e opozitës që ta mbështesin autoritetin në këtë rast.

LEXONI GJITHASHTU:

• Afera e dosjeve, Vasili: Kuvendi s’ka pasur informacion
• Ekskluzive| Autoriteti i Dosjeve po përgatit padinë për çështjen I.M