Ballauri: Gratë shpesh janë fasadë në ekran për të kënaqur shikuesin

Sipas një programi të Inteligjencës Artificiale është arritur në konkluzionin se gratë kanë shumë më pak mundësi për të folur në televizion në krahasim me burrat, sidomos kur bëhet fjalë për programet me natyrë politike.

Për këtë arsye, si rezultat, ato priren të ndërpriten më shpesh sesa burrat.

Elsa Ballauri, aktiviste, tha në emisionin “Goodmorning Albanians” në Euronews Albania se natyra e medias në Shqipëri është e prirur nga fasada kur bëhet fjalë për gratë.

Sipas saj, shpesh nuk janë gratë e mençura dhe me eksperiencë që drejtojnë, por gratë fasadë që plotësojnë kënaqësinë e publikut për ta parë.

“Shpesh nuk janë gratë e mençura me eksperiencë që duhet të drejtojnë, shpesh janë gratë fasadë që plotësojnë kënaqësinë e publikut për ta parë. Nëse vihet në balancë, vihet në fillim fasada, paraqitja, pasi kjo është natyrë edhe e medias. Por gratë nuk janë të zonjat që ta kundërshtojnë këtë”, tha Ballauri.

LEXONI GJITHASHTU:

• 150 mijë raste në Shqipëri, mjekja tregon moshat e prekura nga diabeti
• Shqiptarët preferojnë median tradicionale për t’u informuar